फरवार्ड माइक्रोफाइनान्सद्वारा लाभांस प्रस्ताव

काठमाण्डौ । फरवार्ड माइक्रोफाइनान्स लघुवित्त वित्तीय संस्था लिमिटेडले लाभांस वितरणको प्रस्ताव गरेको छ। संस्थाको मंसिर २१ गते बसेको सञ्चालक समितिको बैठकले गत आर्थिक वर्ष २०७७÷७८ का लागि लाभांस वितरणको प्रस्ताव गरेको हो। 

बैठकले गत आर्थिक वर्षको वितरणयोग्य मुनाफाबाट  हाल कायम चुक्तापूँजीको ३५ प्रतिशत बोनस सेयर र ७ प्रतिशत नगद लाभांस गरी कुल ४२ प्रतिशत लाभांस वितरणको प्रस्ताव गरेको हो। संस्थाद्वार प्रस्तावित कुल ४२ प्रतिशत लाभांसमा चुक्तापूँजी ६२ करोड ५५ लाख १९ हजार २५० रुपैयाँको ३५ प्रतिशतले हुन आउने २१ करोड ८९ लाख ३१ हजार ७३७.५० रुपैयाँ बराबरको बोनस सेयर र ७ प्रतिशतले हुन आउने ४ करोड ३७ लाख ८६ हजार ३४७.५० रुपैयाँबराबरको नगद लाभांस(कर प्रयोजनका समेतका लागि) रहेका छन्। 

यो लाभांस नेपाल राष्ट्र बैंकको स्वीकृती पश्चात संस्थाको आगामी वार्षिक साधारण सभाबाट पारित गरी सेयरधनीलाई वितरण गरिनेछ।