सयपत्री हाइड्रोपावरको आईपीओ निष्कासन आजदेखि

काठमाण्डौ । सयपत्री हाइड्रोपावर लिमिटेडले आज(असार २ गते)देखि आईपीओ निष्कासन गरेको छ । कम्पनीले आयोजना प्रभावित क्षेत्र बाग्लुङ जिल्ला ताराखोला गाउँपालिका र गल्कोट नगरपालिकामा स्थायी बसोबास गर्ने बासिन्दाहरुका लागि रु.१०० अंकित दरका ३ लाख कित्ता आईपीओ निष्कासन गरेको हो । 

लगानीकर्ताले न्यूनतम १० कित्ता र अधिकतममा ३० हजार कित्ता सेयरका लागि दरखास्त आवेदन दिन सक्नेछन् । 

आईपीओ निष्कासन बन्द छिटोमा आगामी असार १६ गते र ढिलोमा असार ३१ गते बैंकिङ समयपछि हुनेछ । 

संस्थाको आईपीओ निष्कासन तथा बिक्री प्रबन्धकको रुपमा सानिमा क्यापिटल लिमिटेड रहेको छ ।   

कम्पनीले नेपाल धितोपत्र बोर्ड(सेबोन)बाट गत जेठ ११ गते रु.१०० अंकित दरका ३९ लाख ८२ हजार ५ सय कित्ता आईपीओ निष्कासनको अनुमति पाएको थियो ।