काठमाण्डौ । सानिमा बैंक लिमिटेडले लाभांस वितरणको प्रस्ताव गरेको छ । बैंकको असोज ६ गते बसेको सञ्चालक समितिको बैठकले गत आर्थिक वर्षका लागि लाभांस वितरणको प्रस्ताव गरेको हो ।
बैंकले आर्थिक वर्ष २०७७/७८ का लागि चुक्तापूँजी ९ अर्ब ६८ करोड १५ लाख १९ हजार ०८२ रुपैयाँको १७ प्रतिशत बोनस सेयर र ०.८९४७ प्रतिशत नगद लाभांस गरी कुल १७.८९७४ प्रतिशत लाभांस वितरणको प्रस्ताव गरेको हो ।
यो लाभांस नेपाल राष्ट्र बैंकबाट स्वीकृत भएपछि बैंकको आगामी वार्षिक साधारण सभाबाट पारित गरी वितरण गरिनेछ ।